«Газпром» павялічыў кошт газу для Малдовы да 278,7 даляраў
2- 20.10.2008, 14:59
«Газпром» павялічыў кошт газу для Малдовы з кастрычніка на 10% да 278,71 даляраў за 1 тысячу кубаметраў. Аб гэтым паведаміла сёння нацыянальнае агенцтва па рэгуляванні ў энергетыцы (НАРЭ) Малдовы.
Як адзначаюць ва ўрадзе, на канечных спажыўцах падвышэнне пакуль не адаб'ецца. З-за падзення курсу даляра, валюты, у якой робяцца разлікі па імпарце прыроднага газу, урад можа не падвышаць дзейсныя тарыфы да чэрвеня наступнага года, перадае ПРАЙМ-ТАС.
У 2006 годзе "Газпром" і "Малдова-газ" дамовіліся аб паступовым падвышэнні кошту на газ для Малдовы да сярэднееўрапейскага ўзроўня да 2011 года. Кошт на газ для Малдовы разлічваецца на аснове формулы, абгаворанай доўгатэрміновым кантрактам з "Газпромам", якая прадугледжвае штоквартальны перагляд коштаў.
Паводле дадзеных НАРЭ, запазычанасць за газ спажыўцоў Малдовы, уключаючы пені, складае каля 1,4 млрд дал. Вялікую частку гэтай сумы - прыкладна 1,2 млрд дал. - складае прыднястроўская частка пазыкі.
