Мянцюк абвесціў галадоўку ў зале суда. Пракурор патрабуе прысудзіць яго да 5 год калоніі (Абноўлена)

Дзяржаўны абвінаваўца запатрабаваў для Рамана Менцюка, які лічыцца вінаватым ў ДТЗ на трасе Менск-Мікашэвічы, пакарання ў выглядзе пазбаўлення волі тэрмінам на 5 год з адбыццём у калоніі агульнага рэжыму. Падсудны абвясціў галадоўку ў зале суда.

Як раней паведамлялася, суд Менскага раёна мае намер сёння вынесці прысуд Раману Менцюку. У сераду ў першай палове дня ў судзе пройдуць спрэчкі бакоў, перадае "Інтэрфакс" з будынка суда Менскага раёна.

Учора падсудны Раман Мянцюк падчас допыту ў зале Маскоўскага суда Менска заявіў, што не бачыў "жывога шчыта", выстаўленага супрацоўнікамі ДАІ.

Мянцюк, адказваючы на пытанні дзяржабвінаваўцы, заявіў: "Я не бачыў "жывога шчыта", не бачыў 4-х аўтамабіляў, перад якімі я павінен быў спыніцца. Я не мог выказаць здагадку, што там стаяць машыны".

Адказваючы на пытанне дзяржабвінаваўцы, Р.Мянцюк сказаў: "Я не ўжываў экстранае тармажэнне перад "жывым шчытом". Я не памятаю, у што я ўдарыўся і ачуўся ў лякарні. Я прабыў суткі ў НДІ нейрахірургіі, спачатку мне там паставілі дыягназ гематома левага паўшар'я, потым быў дыягназ: скалынанне мозгу".

Пры гэтым падсудны цалкам прызнаў сваю віну. Мянцюк накіраваў суду хадайніцтва аб тым, каб яму не прызначалі пакаранне, звязанае з пазбаўленнем волі.

Нагадаем, слуханні па дадзенай крымінальнай справе пачаліся 28 кастрычніка. Працэс праходзіць у судзе Менскага раёна.

2 сакавіка 2008 года, кіруючы аўтамабілем "Фольксваген-Гольф" на хуткасці прыкладна 160 км/г у стане алкагольнага ап'янення, Р.Мянцюк стаў вінаватым у ДТЗ на 8-м кіламетры трасы Менск — Мікашэвічы. У выніку некалькі аўтамашын, якія супрацоўнікі ДАІ выставілі ў якасці шчыта, каб спыніць парушальніка, былі пашкоджаныя, а кіроўцы і пасажыры некаторых з іх траўміраваныя.

17 сакавіка пракуратура Менскай вобласці ўзбудзіла ў адносінах Менцюка справу па ч. 1 артт. 317 КК (парушэнне правілаў дарожнага руху або эксплуатацыі транспартных сродкаў, пацягнуўшае па неасцярожнасці прычыненне менш цяжкага пашкоджання). Мінімальнае пакаранне па гэтым артыкуле — штраф, максімальнае — пазбаўленне волі на тэрмін да двух гадоў.