Амаль тысяча штрафаў за суткі за адсутнасць флікераў
20- 9.10.2008, 14:09
На працягу сутак 7 кастрычніка ў Беларусі за ігнараванне ПДР па пазначэнні сябе ў цёмны час сутак светлаадбівальнымі элементамі было аштрафавана 937 пешаходаў.
Аб гэтым паведамілі агенцтву «Интерфакс-Запад» у УДАІ МУС Беларусі.
Дзяржаўтаінспекцыя рэспублікі таксама звяртае ўвагу веласіпедыстаў на тое, што звычайных светлаадбівальных павязак і падвесак для забеспячэння іх бяспекі недастаткова. ДАІ заклікае веласіпедыстаў патурбавацца аб захаванні свайго жыцця і настойліва рэкамендуе ім апранаць светлаадбівальныя камізэлькі.
