Эканамісты: Даляр ЗША можа падаражэць да 3.000 беларускіх рублёў

Беларускія эксперты лічаць, што ў краіне ў хуткім часе можа адбыцца «сур'ёзная» дэвальвацыя рубля.

Напярэдадні Цэнтрабанк РФ прызнаў, што дэвальвацыя расейскага рубля непазбежная. Кіраўнік аналітычнага цэнтра «Стратэгія» прафесар Леанід Заіка лічыць, што тое ж самае адбудзецца і ў Беларусі. Па меркаванні эксперта, галоўнае для беларускіх улад — не дапусціць панікі па гэтай падставе.

Аб тым, што дэвальвацыя расейскага рубля непазбежная, Цэнтрабанк РФ заявіў 10 лістапада. Адзінае, што пакуль паабяцалі ягоныя прадстаўнікі, яна не будзе "вельмі рэзкай". Сыход грошай з краіны стварае падвышаны попыт на валюту, перш за ўсё на даляр, і цісне такім чынам на рубель. З 1 жніўня па 11 лістапада афіцыйны курс даляра ў Расеі ўжо вырас на 15%.

Ці адаб'ецца дэвальвацыя расейскага рубля на беларускай эканоміцы? З гэтым пытаннем карэспандэнт газеты «Салідарнасць» звярнулася да эксперта.

— У Беларусі таксама адбудзецца дэвальвацыя. Прычым, яна можа быць досыць сур'ёзнай, — лічыць кіраўнік аналітычнага цэнтра "Стратэгія" прафесар Леанід Заіка. — Суцэльна магчыма, што ўжо ў 2009 годзе курс даляра можа скласці 2400 беларускіх рублёў. Так што варта чакаць падзення заробку і іншых прыбыткаў у даляравым эквіваленце. У выніку, лічаць мае калегі, курс даляра можа дасягнуць трох тысяч беларускіх рублёў.