Мігель Торэс: «Перш за ўсё асцерагаемся дрэннага надвор'я і баявога настрою суперніка»

На прэс-канферэнцыі, якая папярэднічае сённяшняму матч Лігі чэмпіёнаў БАТЭ — «Рэал», футбаліст госцяў Мігель Торэс адказаў на пытанні «Прэсбола».

— Як чакаецца, матч пройдзе пры дзесяціградусным марозе. Ці не лічыце вы, што пры такой тэмпературы гуляць складана?

— Будзе нялёгка, паколькі мы не прывыклі гуляць у такіх умовах. Але ў любым выпадку нашая мэта — паказаць добрую гульню і зарабіць тры ачка. Паспрабуем выйсці на поле максімальна канцэнтраванымі і дамагчыся поспеху. З матывацыяй у нас усё ў парадку.

— Перамога над "Рэкрэатыва" надала вам упэўненасці?

— Так, яна дадала сіл усім гульцам, у тым ліку і мне. Гэта добры сігнал, і асабліва цешыць, што атрымалася захаваць вароты ў недатыкальнасці. Спадзяюся, гэты вынік стаў пачаткам паспяховай серыі, і мы будзем дзейнічаць больш упэўнена, лініі пачнуць лепш узаемадзейнічаць.

— Ці не створыць праблемы ў абароне адсутнасць траўміраванага Канавара?

— Спадзяюся, што не, паколькі ў нашым распараджэнні выдатная звязка у цэнтры абароны — Серхіа Рамас і Пепе.

— Каго з гульцоў БАТЭ асцерагаецеся больш за ўсё?

— Перш за ўсё асцерагаемся дрэннага надвор'я і баявога настрою суперніка. Але наогул перш за ўсё мы канцэнтруемся на сваім выступе і імкнемся як мага менш думаць аб непрыемнасцях, якія можа даставіць супернік.