Судзей Есьмана, Ільіну і Паўлючык усё яшчэ не звольнілі

Судзьдзі Цэнтральнага раёну Менску — Валеры Есьман, Алена Ільіна і Тацяна Паўлючук – працягваюць працаваць.

Аб гэтым «Радыё Свабода» сёньня паведамілі ў Цэнтральным судзе Менску.

Нагадаем, Алену Ільіну і Тацяну Паўлючук, якія падазраюцца ў карупцыі. Беларускі кіраўнік згадаў гэтыя імёны ў зьвязку з “кватэрнымі махінацыямі”. А менавіта — з гісторыяй пра тое, як пракурор Менскай вобласьці Міхаіл Сьнягір набываў сабе кватэру.

Кватэра была набытая з парушэньнямі. І калі асоба, якая жыла ў ёй, зьвярнулася ў суд Цэнтральнага раёну, то судзьдзя Ільіна “ўзгадняла праз тэлефон са Сьнегіром пасьлядоўнасьць сваіх дзеяньняў”. А судзьдзі Есьман і Паўлючук “прынялі рашэньне накласьці спагнаньне на наймальніка кватэры за нібыта самавольную перапляніроўку гэтай кватэры”.

Аляксандар Лукашэнка загадаў старшыні Вярхоўнага суду Валяніцну Скуалу вызваліць ад займаных пасадаў судзьдзяў Ільіну, Есьмана і Паўлючук.

Аднак, як паведамілі ў прэсавай службе Вярхоўнага суду, адпаведныя загады не падпісаныя.

Усе трое судзьдзяў вызначыліся таксама вынясеньнем жорсткіх прысудаў у палітычных справах супраць апазыцыянэраў.