Пуцін збірае ў Маскве кіраўнікоў СНД
- 13.02.2008, 17:50
22 лютага ў Маскве адбудзецца нефармальная сустрэча кіраўнікоў краін СНД.
Як паведамілі БелаПАН у менскай штаб-кватэры арганізацыі, рашэнне аб правядзенні ў лютым 2008 года нефармальнага саміту было прынятае з ініцыятывы прэзідэнта Расеі Уладзіміра Пуціна яшчэ ў кастрычніку 2007 года на пасяджэнні Савета кіраўнікоў дзяржаў Садружнасці ў Душанбе.
Парадку дня такіх мерапрыемстваў загадзя не фармуецца.
Запрашэнні на нефармальную сустрэчу накіраваныя прэзідэнтам усіх краін СНД. Шэраг з іх ужо пацвердзілі свой удзел. У прыватнасці, гэта прэзідэнт Украіны Віктар Юшчанка, прэзідэнт Кыргызстана Курманбек Бакіеў.
Ці возьме ўдзел у нефармальным саміце Аляксандр Лукашэнка, пакуль невядома.
