Аляксандр Глеб згуляе супраць «Мілана»
- 20.02.2008, 11:32
20 лютага ўвага футбольных балельшчыкаў будзе прыцягнутая да Лондану, дзе пройдзе матч 1/8 фінала Лігі чэмпіёнаў паміж мясцовым “Арсеналам” і італьянскім “Міланам”.
Нагадаем, “Арсенал”, за які выступае беларус Аляксандр Глеб, цяпер лідыруе ў англійскай прэм’ер-лізе, а “Мілан” з’яўляецца дзейным уладальнікам тытула наймацнейшага клуба Еўропы. Як паведамляе афіцыйны сайт УЕФА, дагэтуль каманды ў матчах Лігі чэмпіёнаў не сустракаліся.
У іншых матчах у сераду згуляюць: “Ліон” і “Манчэстар Юнайтэд”, “Сэлтык” і “Барселона”, “Фенербахчэ” і “Севілья”. Матчы ў адказ пройдуць у сакавіку.
