За «жывы шчыт» супрацоўнікаў ДАІ просяць асудзіць на 2 гады ўмоўна
16- 24.06.2008, 15:16
Пракурор просіць суд прызнаць супрацоўнікаў ДАІ Кастрычніцкага раёна Менска вінаватымі ў перавышэнні службовых паўнамоцтваў, пацягнуўшых пагрозу жыццю грамадзян, і асудзіць іх на 2 гады ўмоўна кожнага.
Як раней паведамляў "Інтэрфакс", у якасці абвінавачаных перад судом паўсталі двое супрацоўнікаў ДАІ Кастрычніцкага раёна Менска Генадзь Дарагакупец і Аляксей Лектаровіч, якім прад'яўленае абвінавачванне па ч. 1 арт. 424 "Злоўжыванне ўладай або службовымі паўнамоцтвамі" Крымінальнага кодэкса Беларусі. Яны вінавацяцца ў тым, што стварылі пагрозу для жыцця і здароўя 5 пацярпелых пры затрыманні на трасе "Менск-Мікашэвічы" п'янага кіроўцы Рамана Менцюка, які ехаў з хуткасцю каля 160 км у гадзіну.
Каб спыніць машыну з парушальнікам, супрацоўнікі ДАІ Кастрычніцкага раёна Менска з некалькіх машын, у якіх знаходзіліся людзі, выставілі загароджу. У стаўленні Р.Менцюка таксама ўзбуджаная крымінальная справа за кіраванне транспартным сродкам у нецвярозым стане. Ён абвешчаны ў вышук.
