Прэм'ер-міністр Літвы сустрэнецца з Сідорскім у парушэнне палітыкі Еўразвяза

Афіцыйнае агенцтва БелТА паведаміла, што працоўная сустрэча прэм'ер-міністра Беларусі Сяргея Сідорскага і прэм'ер-міністра Літоўскай Рэспублікі Гедымінаса Кіркіласа адбудзецца 2 верасня ў горадзе Друскінінкай.

Як паведамляе агенцтва, на сустрэчы будуць разгледжаныя актуальныя пытанні двухбаковага супрацоўніцтва, у тым ліку ў галіне энергетыкі, транспарта і транзіту. Акрамя таго, плануецца, што беларускі прэм'ер правядзе сустрэчу з буйнымі літоўскімі прадпрымальнікамі па тэматыцы інвестыцыйнага ўзаемадзеяння, а таксама наведае змешчаны ў рэспубліканскай уласнасці санаторый "Беларусь" у г.Друскінінкай.

Нагадаем, што прэм'ер-міністр Латвіі Іварc Годманіс сустракаўся з Сяргеем Сідорскім 11 ліпеня ў будынку латвійскай памежаховы на КПП "Урбаны — Сілене". Аб сустрэчы стала вядома 4 жніўня, калі І.Годманіс паведаміў аб ёй латвійскім журналістам.

Па ягоных словах, перамовы з беларускім прэм'ерам былі "у дзяржаўных інтэрасах Латвіі".

Важна адзначыць, што ў межах агульнаеўрапейскай палітыкі чыноўнікі краін Еўразвяза не могуць сустракацца з беларускімі калегамі рангам вышэй за намесніка міністра.