Беларусам за мяжой няма за каго галасаваць
3- 26.09.2008, 17:49
Беларускія грамадзяне, якія знаходзяцца падчас выбарчай кампаніі за мяжой, могуць галасаваць толькі па Купалаўскай акрузе № 95 Менска, нават калі ні да гэтай акругі, ні да самога Менску ніякага дачынення не маюць.
Такі выбар людзям прапаноўваюць на чатырох выбарчых участках, якія створаныя на тэрыторыі Польшчы ў Варшаве і Беластоку.
Можна прагаласаваць толькі за Юрыя Краснапольскага або за Валянціну Лявоненка. Чаму менавіта гэтую акругу абралі, каб прапанаваць прагаласаваць грамадзянам Беларусі ў Польшчы, здагадацца нескладана. Абодва кандыдаты беспартыйныя, паведамляюць "Праваабаронцы за свабодныя выбары".
