Нацбанк: «Мы не чакалі такога ажыятажнага попыту на валюту»
78- 12.01.2009, 10:21
Нацыянальны банк Беларусі не чакаў ажыятажнага попыту на валюту пасля дэвальвацыі беларускага рубля.
Аб гэтым заявіў у эфіры Сталічнага тэлебачання начальнік упраўлення інфармацыі Нацбанка Анатоль Драздоў.
"Такая рэакцыя насельніцтва была зусім нечаканай", - сказаў А.Драздоў, каментуючы ўзрослы ў Беларусі попыт на замежную валюту ў адказ на дэвальвацыю беларускага рубля.
"Мы меркавалі, што, убачыўшы, што беларускі рубель саслабеў на 20 з лішнім адсоткаў, грамадзяне будуць рабіць адваротнае - яны панясуць даляры здаваць у банкі, таму што гэта становіцца выгодным", - патлумачыў ён. Таксама, паводле прадстаўніка Нацбанка, чакалася, што насельніцтва будзе "рабіць нейкія набыткі, рабіць уклады".
"Але ўсё адбылося роўна наадварот", - канстатаваў А.Драздоў.
