Гендырэктар «Гарызонта»: «Добра, што грамадзяне цяпер дастаюць грошы з «панчох»

Газета адміністрацыі Лукашэнкі «Советская Белоруссия» сёння звярнулася да тэмы дэвальвацыі беларускага рубля.

Пракаментаваць «абвал» рубля афіцыйная газета папрасіла ў тым ліку і гендырэктара ААТ «Гарызонт» Юрыя Прадко.

Па словах дырэктара «Гарызонта», на заводзе ўжо адчулі паніжэнне коштаў на некаторыя імпартныя камплектуючыя. Напрыклад, патаннелі палісціролы, якія выкарыстоўваюцца пры вытворчасці карпусоў для тэлевізараў. «Таму суцэльна магчыма, што кошты на некаторыя нашы мадэлі будуць зніжацца, і не толькі ў валютным выражэнні, але і ў рублях».

Ю.Прадко адзначыў, што попыт у крамах расце не толькі на імпартную, але і на айчынную тэхніку. «За тры дні новага года мы атрымалі паўмесячную норму продажаў, — не хавае задавальнення кіраўнік. — Добра, што шматлікія грамадзяне цяпер дастаюць грошы з «панчох» і запускаюць іх у эканоміку. У гэтым адзін з станоўчых момантаў дэвальвацыі. Мы, у сваю чаргу, робім усё, каб тэлевізараў і СВЧ–печак хапіла ўсім жадаючым... Другі важны аспект дэвальвацыі: для нас стаў больш прывабным экспарт. Продажы на знешніх рынках дазваляюць нам атрымаць больш рублёвай масы...»