Золатавалютныя рэзервы Беларусі за 2008 год скараціліся да 3,06 мільярдаў даляраў

Золатавалютныя рэзервы (ЗВР) Беларусі па стандартах МВФ на 1 студзеня 2009 года склалі $3061,1 млн, скараціўшыся за 2008 год на $1121,1 млн, ці на 26,8%.

За снежань ЗВР зменшыліся на $714,3 млн, ці на 18,9% пасля зніжэння на $276,4 млн, ці на 6,8% за лістапад, за кастрычнік - на 1,7% (на $68,1 млн) і на 10% за верасень (на $459,7 млн), перадае «Интерфакс».

У структуры ЗВР размешчаныя на дэпазітах у нерэзідэнтаў рэзервы ў замежнай валюце скараціліся за 2008 год на 32,6% да $2605,5 млн на 1 студзеня 2009 года. У тым ліку за снежань валютныя рэзервы зменшыліся на 21,9% пасля скарачэння на 8,4% за лістапад.

Аб'ём размешчанага ў замежных банках манетарнага золата на 1 студзеня 2009 года склаў $374,1 млн, павялічыўшыся за год у 1,6 разы (за снежань рост на 6,2%). Іншыя рэзервы за 2008 год зменшыліся на 6,4% да $80,5 млн.

За 2007 год міжнародныя рэзервовыя актывы Беларусі павялічыліся ў 3 разы (на 6,7% за 2006 год) і склалі на 1 студзеня 2008 года $4182,2 млн. ЗВР па нацыянальнай методыцы на 1 студзеня 2008 года дасягнулі $4997,6 млн, павялічыўшыся за 2007 год у 2,9 разы.

Залаты запас Нацбанка складае ў цяперашні час каля 27 т.

У 2008 году НБ РБ прагназаваў павелічэнне міжнародных рэзервовых актываў па стандартах МВФ не менш чым на $280 млн. На канец 2008 года ЗВР па нацыянальнай методыцы прагназаваліся на ўзроўні $5,5 млрд.