Пенсіі працягваюць падаць
11- 15.10.2009, 10:10
За год рэальная пенсія ў Беларусі знізілася амаль на 10 адсоткаў.
Рэальны памер прызначанай пенсіі (адкарэктаванай на індэкс спажывецкіх коштаў) у верасні 2009 года ў параўнанні з вераснем мінулага годы знізіўся на 9,7%, у параўнанні са жніўнем бягучага года – на 0,3%, паведамляе АФН са спасылкай на Белстат.
У верасні сярэдні памер прызначанай пенсіі склаў 392,6 тыс. рублёў.
Сярэдні памер пенсіі па ўзросце склаў 409,7 тыс. рублёў, па інваліднасці – 363,3 тыс. рублёў, з прычыны страты карміцеля – 247,2 тыс. рублёў, сацыяльнай пенсіі – 185,7 тыс. рублёў.
