На Баранавіцкай ЦЭЦ зарплату выдаюць драўляна-валаконнымі плітамі
16- 19.11.2009, 17:44
За паслугі ЦЭЦ гарадскія прадпрыемствы з-за цяжкага стану разлічваюцца не грашыма, а прадукцыяй.
Супрацоўнікам Баранавіцкай цеплаэлектрастанцыі частку зарплаты выдаюць драўляна-валаконнымі плітамі.
Як паведамляе «Еўрарадыё», пры зарплаце 600 тысяч беларускіх рублёў на 130 тысяч прыходзіцца ДВП.
Нагадаем, што на многіх беларускіх прадпрыемствах прапаноўваюць атрымліваць ежу ў кошт зарабатнай платы. Начальнікі лічаць гэту практыку карыснай.
Як раней паведамляў сайт charter97.org, на Менскім трактарным заводзе адкрылі невялікі цэх і сталоўку. На МТЗ лепяць пяльмені і варэнікі. Іх можна паесці на месцы, а таксама ўзяць дадому ў кошт будучай зарплаты.
Ад нядаўніх часоў на Барысаўскім заводзе аўтатрактарнага электраабсталявання (БАТЭ) зарплату можна часткова атрымліваць сырам і малаком.
