На таргах БВФБ попыт на даляры ў 3,5 разы перавысіў прапанову
9- 11.02.2009, 14:13
Па выніках таргоў замежнымі валютамі 11 лютага на Беларускай валютна-фондавай біржы (БВФБ) курс даляра ЗША не змяніўся і складае 2.795 рублёў.
Паводле дадзеных БВФБ, у таргах па даляры ЗША прынялі ўдзел 25 банкаў. Аб'ём пагадненняў склаў 17 млн. 306 тыс. (попыт — 17 млн. 306 тыс., прапанова — 4 млн. 853 тыс.).
У таргах па расейскім рублі ўдзельнічалі 25 банкаў. Аб'ём пагадненняў склаў 240 млн. 176 тыс. (попыт — 240 млн. 176 тыс., прапанова — 210 млн. 947 тыс.), а курс вырас на 0,21 рубля і склаў 78 беларускіх рублёў за адзін расейскі.
У таргах па еўра прынялі ўдзел 25 банкаў. Аб'ём пагадненняў склаў 7 млн. 270 тыс. (попыт — 7 млн. 659 тыс., прапанова — 7 млн. 270 тыс.), а курс вырас на 17 рублёў і склаў 3.625 рублёў за еўра.
