Міністэрства працы не верыць у дні цвярозасці
4- 26.02.2009, 8:25
Намеснік міністра працы і сацыяльнай абароны Валяр'ян Кароль упэўнены, што дні цвярозасці не выратуюць беларусаў ад алкагалізму.
"Эфектыўнасць ад Дзён цвярозасці магчымая, толькі калі не папярэджваць аб іх правядзенні загадзя. Калі ж іх праводзіць праз дзень, тыдзень, то, такі ў нас менталітэт, людзі прыстасуюцца, закупяцца спіртным загадзя", - распавёў ён на прэс-канферэнцыі 25 лютага.
Як паведамляе БелаПАН, В.Кароль лічыць узмацненне жорсткасці адказнасці за распіванне спіртных напояў у грамадскіх месцах, на вытворчасці бессэнсоўным. "У нас ёсць адміністрацыйная адказнасць, якая прадугледжвае даволі вялікія штрафныя санкцыі", - удакладніў ён.
