Іван Шыла зноў апынуўся ў санчастцы
- 27.02.2009, 10:18
У незаконна забранага ў войска моладзевага лідэра Івана Шылы зноў паўсталі праблемы са здароўем.
Як паведамляе сайт «Маладога фронту», актывіст «Маладога фронту» захварэў на атыт. У хуткім часе вайсковы суд будзе разглядаць скаргу Івана Шылы аб прызнанні ягонага прызыву ў войска незаконным.
Нагадаем, што 28 студзеня ў Менску былі схопленыя і адпраўленыя ў войска моладзевыя лідэры Франак Вячорка і Іван Шыла. У той жа дзень быў затрыманы актывіст «Маладога Фронту» Зміцер Хведарук. Яго адправілі служыць у транспартныя войскі.
19 лютага Іван Шыла быў дастаўлены ў Лепельскую лякарню з-за праблем са спіной. Болі ў спіне маладафронтаўца непакоілі яшчэ да прызыву.
