Курс даляра на беларускай біржы працягвае расці
- 9.03.2009, 12:47
На таргах БВФБ попыт на амерыканскую валюту ў 1,8 разы перавысіў прапанову, курс даляра ЗША вырас яшчэ на 10 рублёў.
Такім чынам па выніках таргоў замежнымі валютамі 9 сакавіка на Беларускай валютна-фондавай біржы (БВФБ) курс даляра ЗША склаў 2.880 рублёў.
Паводле дадзеных БВФБ, у таргах па даляры ЗША прынялі ўдзел 24 банкі. Аб'ём пагадненняў склаў 23 млн. 84 тыс. (попыт — 23 млн. 84 тыс., прапанова — 12 млн. 594 тыс.).
У таргах па еўра прыняў удзел 21 банк. Аб'ём пагадненняў склаў 7 млн. 395 тыс. (попыт — 7 млн. 395 тыс., прапанова — 7 млн. 679 тыс.), а курс знізіўся на 9 рублёў і склаў 3.638 рублёў за адзін еўра.
