Зміцер Дашкевіч: «Лукашэнку не месца сярод дэмакратычна абраных прэзідэнтаў»
- 20.04.2009, 16:42
Лідэр «Маладога Фронту» Зміцер Дашкевіч пракаментаваў запрашэнне беларускага кіраўніка на саміт Усходняга партнёрства ў Прагу.
У той час як міністр замежных спраў Чэхіі Карэл Шварцэнберг перадае Лукашэнку запрашэнне на саміт у Прагу, прэзідэнт гэтай краіны адмаўляецца паціснуць руку апошняму дыктатару Еўропы, адзначыў лідэр «Маладога Фронту».
Па меркаванні Зміцера Дашкевіча, паціснуць руку апошняму дыктатару Еўропы не захочуць і іншыя кіраўнікі еўрапейскіх краін.
«Для шматлікіх палітыкаў і кіраўнікоў Усходняй Еўропы аўтакратыя не проста ідэалагічны тэрмін, а праблема, з якой яны сутыкаліся падчас сваёй грамадска палітычнай дзейнасці, -- кажа Зміцер Дашкевіч. -- Таму прэзідэнт Чэшскай Рэспублікі Вацлаў Клаўс, які сам пераследваўся за антыкамуністычныя погляды, разумее, што чалавеку, які пераследуе сваіх грамадзян за іншадумства, саджае ў турмы моладзь і палітычных апанентаў, -- не месца сярод дэмакратычна абраных прэзідэнтаў».
