Страшная аварыя ў Менску: кіроўца «Форда» пратараніў машыну на хуткасці 130 км/ч (Фота)
38- 21.04.2009, 9:30
Увечары 20 красавіка ў Менску на мосце каля плошчы Незалежнасці адбылася аварыя, у выніку якой на некалькі гадзінаў быў перакрыты рух.
Як сведчаць відавочцы, кіроўца «Форда» пайшоў на абгон праз 2 суцэльныя паласы і на высокай хуткасці (прыкладна 130 км/ч) урэзаўся ў «Вольва», якое рухалася па сустрэчнай паласе. У выніку лабавага сутыкнення ў «Вольва» адарвалася кола і адмовілі тармазы.
Пацярпелага кіроўцу «Форда» даставалі з машыны працаўнікі МНС. У гэты момант ён знаходзіцца ў шпіталі.
Фота juick.com
