Мілінкевіч: «Я ніколі не казаў аб неабходнасці запрашэння Лукашэнкі ў Прагу»
24- 6.04.2009, 11:44
Лідэр руху «За Свабоду» пракаментаваў магчымасць запрашэння беларускага дыктатара на саміт ЕЗ.
Каментар Аляксандра Мілінкевіча на гэтую тэму прагучаў падчас запісу на тэлеканале «Белсат» ток-шоў «Форум».
Адказваючы на пытанне аб сваім стаўленні да магчымасці запрашэння Аляксандра Лукашэнка ў Прагу, палітык заявіў:
«Я ніколі не казаў аб неабходнасці запрашэння Лукашэнкі на саміт ЕЗ у Прагу. Я цвёрда лічу, што «Ўсходняе партнёрства» неабходнае Беларусі, пры гэтым я застаюся супернікам палітыкі Лукашэнкі. Пытанне, хто будзе прадстаўляць Беларусь на саміце ЕЗ, наогул лічу другасным. Але, думаю, хутчэй за ўсё, Лукашэнкі ў Празе не будзе».
