Беларусы лічаць, што на іх шыі сядзіць занадта шмат чыноўнікаў
20- 8.04.2009, 9:09
Больш за 70 адсоткаў жыхароў Беларусі лічаць, што дзяржапарат можна было б і паменшыць.
Пры гэтым, як адзначае «Комсомольская правда в Беларуси», па выніках даследавання цэнтра «Люстэрка-Інфо», 49 адсоткаў апытаных хацелі б, каб шэрагі чыноўнікаў значна зрадзелі. Беларусы лічаць, што гэта дапаможа змякчыць удар эканамічнага крызісу. А вось за тое, каб заклікаць на дзяржаўную службу дадатковых працаўнікоў, не выказаўся ніхто. Дарэчы, сярод удзельнікаў даследавання было 4 адсоткі чыноўнікаў.
Пры гэтым большасць апытаных (44%) не вераць у тое, што працаўнікі беларускіх міністэрстваў і ведамстваў здольныя адмовіцца з-за крызісу ад часткі свайго заробку. Так, нагадаем, некалькі месяцаў таму паступілі дзяржслужачыя суседняй Латвіі.
