Кабякову даручана стаць прадказальнікам

Беларускаму віцэ-прэм'еру Андрэю Кабякову прыйдзецца распрацаваць праект бюджэту на 2010 год.

Беларусь дагэтуль у вочы не бачыла ўдакладнены бездэфіцытны рэспубліканскі бюджэт на 2009 год. Называліся толькі асобныя паказчыкі кансалідаванага бюджэту, а ўрад ужо паставіў задачу ў тэрмін да 1 ліпеня 2009 года распрацаваць праект рэспубліканскага бюджэту на 2010 год, піша АФН.

Віцэ-прэм'еру Андрэю Кабякову, а паводле пастановы Саўміна №380 менавіта ён узначаліць межведамасную групу шаманаў, прыйдзецца стаць прадказальнікам і за два з паловай месяцы, якія засталіся, прадказаць, як будзе развівацца сітуацыя ў сусветнай эканоміцы ў 2010 годзе і якія будуць магчымыя наступствы глабальнага крызісу для беларускай эканомікі.

На думку АФН, усё, што падасца Кобякову і ўзначаленай ім групе прадказальнікаў, ляжа ў аснову праекту асноўных накірункаў бюджэтна-фінансавай і падатковай палітыкі на 2010 год і на перыяд да 2012 года. Гэта значыць моршчыць лоб прыйдзецца не па-дзіцячаму, каб зазірнуць у далёкую крызісную ці посткрызісную будучыню.

Здавалася б, для выканання настолькі складанай ва ўмовах крызісу місіі, Кабякова і яго міжведамасную групу трэба было б вызваліць ад выканання службовых абавязкаў і адправіць у адну з загарадных рэзідэнцыяў Лукашэнкі, дзе мазгавым штурмам з прыцягненнем экспертаў рознага ўзроўня і рознай палітычнай арыентацыі можна было б падрыхтаваць дакумент, які хаця б не выклікаў смеху ў плямёнаў, што пражываюць у джунглях Амазонкі.

Але ва ўрадзе перакананыя, што пастаўленая задача не павінна выклікаць асаблівых цяжкасцяў у загартаваных цяжкімі чынавенскімі буднямі выканаўцаў. А таму Кабякову рэкамендавана сустракацца з падкантрольнымі яму «шаманамі» хаця б раз у месяц - каб хоць нейкая бачнасць працы была.