У Кобрыне пачалі эканоміць на «Дажынках»
11- 24.06.2009, 13:37
З Кобрына, які актыўна рыхтуецца да «Дажынкаў-2009» з'ехала каля 400 лепшых будаўнікоў.
Аб гэтым «Еўрарадыё» паведаміў былы кандыдат у дэпутаты «нацыянальнага сходу», актывіст Партыі БНФ Алесь Мех.
Па звестках Алеся Меха, за апошнія тры месяцы заробкі будаўнікам некалькі разоў памяншалі: спачатку плацілі абяцаныя паўтара мільёны беларускіх рублёў, пасля у красавіку паменшылі максімум да 1.300.000 рублёў, а ў маі заплацілі па 500.000-600.000 рублёў.
Будаўнікі, якія працавалі ў Кобрыне вахтоавым метадам, ад працы адмовіліся. Засталіся тыя, хто не можа знайсці працу дома з-за нізкай кваліфікацыі, растлумачыў Алесь Мех.
У Кобрыне да «Дажынкаў» будуецца шэраг складаных аб'ектаў, у тым ліку Лядовы палац і аквапарк.
