Пенсіянерам, якія працуюць, могуць урэзаць пенсіі

Улады заявілі пра намер перагледзець «падыходы» да выплаты пенсіяў пенсіянерам, якія працуюць.

Як заявіла намесніца міністра працы і сацыяльнай абароны Валянціна Каралёва, паколькі ў грамадстве ходзяць чуткі, што пенсіянерам, якія працуюць, прыйдзецца ахвяраваць пенсіяй, дык, «напэўна, шмат хто з пенсіянераў ужо сам разумее, што такая сітуацыя, калі ім практычна цалкам без асаблівых абмежаванняў выплачваецца зарабатная плата, працягвацца ўвесь час не можа».

Каралева паведаміла, што ў міністэрстве ідзе праца над «праблемай выплатаў пенсіянерам, якія працуюць». Яна падкрэсліла, што пенсіянерам не прыйдзецца выбіраць паміж зарабатнай платай і пенсіяй.

«Хутчэй, гэта было б нармальна ўспрынята, калі б упор рабіўся на сукупны даход», — адзначыла Каралёва. Так, калі пенсіянер працуе з невысокай зарабатнай платай на непрэстыжнай працы, дык, магчыма, за ім бы захоўвалася пенсія.

Паводле словаў намесніцы міністра, Мінпрацы прапрацуе ўсе варыянты вырашэння пытання і выступіць адпаведнай ініцыятывай, аднак у 2009—2010 годзе ніякіх зменаў у падыходах да выплаты пенсіяў пенсіянерам, якія працуюць, не плануецца.