Беларускія баскетбалісткі паставілі ўльтыматум (Тэкст ліста)

Спартоўкі маюць намер адмовіцца гуляць за зборную, калі сітуацыя з забеспячэннем каманды не зменіцца.

На выканкаме Беларускай федэрацыі баскетбола быў агучана адкрыты ліст нацыянальнай жаночай зборнай па баскетболе. Прычынай з'яўлення гэтага паслання стала сітуацыя, якая склалася падчас падрыхтоўкі каманды да топ-турніраў у апошнія гады. Тэкст ліста спартовак падае газета «Салідарнасць».

«Кожнае лета мы прысвячаем выступам пад сцягамі дружыны, рызыкуючы здароўем і выдаткоўваючы асабісты час адпачынкаў. Той самы час, які маглі б прысвяціць аднаўленню і знаходжанню з сем'ямі, не рызыкуючы будучыняй у клубах і не ставячы пад пагрозу дзеючыя кантракты. Тым не менш, мы рэгулярна прымалі выклікі з Беларусі, лічачы гонарам выступаць за краіну і абараняць інтарэсы яе заўзятараў.

Аднак жахлівы ўзровень арганізацыі, які ўласцівы справам у адносінах да зборнай у апошнія гады, вымусіў нас задумацца пра мэтазгоднасць далейшых выступаў за нацыянальную каманду. Гуляць на голым энтузіязме можна год, паўтара, два, але ніяк не на пастаяннай аснове. Калі ж прынцыповыя пытанні вырашацца не хочуць, узнікаюць сумневы: а ці варта такое стаўленне нашых ахвяраў?

Каб не быць галаслоўнымі, прывядзём шэраг момантаў, якія выклікаюць абурэнне і, на наш погляд, патрабуюць неадкладнага вырашэння. Перш за ўсё, гаворка ідзе пра базу для правядзення паўнавартасных збораў. Не толькі пра вылучэнне гульнявой залы і паркета для трэніровак, да якіх звычайна зводзяць кола запатрабаванняў. Нармальныя ўмовы падрыхтоўкі, на наш погляд, маюць на ўвазе наяўнасць прыдатных да выкарыстання распранальняў, масажнай, асобнага кабінета урача, трэнерскай і трэнажорнай залы з адпаведным абсталяваннем. Зборная колькі-небудзь падобнага комплексу за гады працы ў пастаяннае і доўгатэрміновае карыстанне не атрымала. Хаця каманда выдаткоўвае на падрыхтоўку ў Беларусі ўсяго некалькі месяцаў у годзе, што не мае на ўвазе касмічных выдаткаў нават пры здыманні ў арэнду такіх установаў.

Яшчэ адзін немалаважны момант — экіпіяванне. На топ-турнірах і падчас выездаў на таварыскія спаборніцтвы каманда хоча выглядаць годна звання 11-й зборнай свету. Форма павінна выдавацца своечасова (ці хаця б за некалькі дзён да адпраўлення) і ў адпаведнасці з патрэбамі гульцоў. Не перашкодзіла б улічваць і поры года, у якія праводзяцца матчы, каб абуваць і апранаць дзяўчатаў у адпаведнасці з ўмовамі надвор'я. Якасць экіпіявання таксама выклікае нараканні, а таму мае сэнс абмеркаваць шляхі яе паляпшэння.

Не можам абыйсці ўвагай пытанне наяўных грошай, у якіх узнікае неабходнасць падчас турніраў. Часцяком гульцам патрабуюцца медыцынскія прэпараты, аналагаў якіх няма ў Беларусі. Даводзіцца набываць іх за мяжой за кошт асабістых сродкаў. Гэта стварае дадатковыя цяжкасці, улічваючы сціпласць выплатаў, што маюць месца як падчас чэмпіянату, так і пасля яго заканчэння — прычым не толькі ў адносінах да баскетбалістак, але ў тым ліку і ў адносінах да трэнерскага штаба з медыцынскім персаналам. Заўважым, што прэміяльныя прадстаўніцам зборнай Францыі і Гішпаніі па выніках чэмпіянату свету склалі дзясяткі тысячаў еўра. Тады як наша нацыянальная каманда — пры больш паспяховым выступленні і знакавым для краіны выніку — не была і блізка адзначаная адпаведнымі памерамі бонусаў. Прычым адсутнасць належных матэрыяльных заахвочванняў носіць не разавы, а пастаянны характар — пачынаючы з чэмпіянату Еўропы-2007.

Паўторымся, для нас велізарны гонар выступаць за сваю краіну пад сваім сцягам для сваіх заўзятараў. Але калі сітуацыя і ў далейшым не зменіцца, мы пакідаем за сабой права адмовіцца ад удзелу ў найбліжэйшых баскетбольных топ-турнірах».