Берасцейскія ўлады падманваюць назіральнікаў АБСЕ
10- 26.11.2010, 9:32
Назіральнікам ад АБСЕ паведамілі пра павелічэнне колькасці месцаў для агітацыі ў раёнах Берасця, але насамрэч іх колькасць засталася ранейшай.
Як паведамляюць «Праваабаронцы за свабодныя выбары», чыноўнікі Берасцейскага гарвыканкама і прадстаўнікі абласной выбарчай камісіі далі станоўчы адказ на пытанне назіральнікаў місіі АБСЕ пра тое, ці павялічылі яны колькасць месцаў для сустрэчаў выбаршчыкаў з кандыдатамі ў прэзідэнты ў Ленінскім і Маскоўскім раёнах Берасця.
Адпаведны зварот у гарвыканкам і абласную камісію накіроўвалі берасцейскія праваабаронцы.
Але ў пісьмовым адказе, які заяўнікі атрымалі, кажацца, што для правядзення агітацыі застаюцца ранейшыя вызначаныя адпаведнымі рашэннямі месцы.
«Гэта значыць, ніякіх павелічэнняў колькасці месцаў не адбылося. А назіральнікаў ад АБСЕ ўлады папросту падманулі», - кажа праваабаронца Уладзімір Вялічкін.
