Адміністрацыя Іняза перашкаджае сустрэчы Саннікава з выбарнікамі

Інфармацыя пра сустрэчу была выдаленая з дошак для аб'яваў, а змяшчэнне новай інфармацыі забароненае.

Кіраўніцтва Менскага Дзяржаўнага Лінгвістычнага Універсітэта забараніла распаўсюджваць інфармацыю пра сённяшнюю сустрэчу кандыдата ў прэзідэнты Беларусі Андрэя Саннікава з выбарнікамі.

Інфармацыя пра сустрэчу, якая адбудзецца сёння ў 19.00 у актавай зале Іняза, была выдаленая з дошак для аб'яваў, а змяшчэнне новай інфармацыі забароненае. Пра гэта актывістам грамадзянскай кампаніі «Еўрапейская Беларусь» паведаміла намрэктара МДЛУ па ідэалогіі.