Андрэй Саннікаў: «Зрабіце свой унёсак у нашую агульную перамогу»

Кандыдат у прэзідэнты Беларусі Андрэй Саннікаў звярнуўся да выбаршчыкаў.

«Дарагія суайчыннікі,

Дзякую вам за актыўнасць і падтрымку. Сродкі, якія паступілі ў мой выбарчы фонд, ідуць на выраб інфармацыйных матэрыялаў: буклетаў, улётак. Гэтыя матэрыялы распаўсюджваюцца па ўсёй Беларусі, але паўсюдна людзі літаральна патрабуюць: «Дайце яшчэ друкаванай прадукцыі. Мы ўсё раздаем нашым сябрам і знаёмым, і нашых прыхільнікаў становіцца ўсё больш».

Нам патрэбныя новыя плакаты, таму што памагатыя рэжыму актыўна знішчаюць плакаты і партрэты, вывешаныя ў дазволеных месцах.

Таму звяртаюся да вас, дарагія сябры: мне патрэбная ваша падтрымка. Не дамо ўладам заглушыць словы свабоды. Мой фонд кандыдата дзейнічае да самага канца выбарчай кампаніі.

Вы можаце зрабіць важкі ўнёсак у справу нашай агульнай перамогі.

Гісторыя робіцца сёння. Гісторыю робім мы! Разам мы пераможам!», - кажацца ў звароце.

Рэквізіты Фонду:

Разліковы рахунак: 3014058620008

У філіял № 527 ААТ «Беларусбанк»

Код 254

Прызначэнне аплаты: Добраахвотнае ахвяраванне ў выбарчы фонд кандыдата ў прэзідэнты Рэспублікі Беларусь Саннікава А.А.

Пры адпраўленні плацяжу абавязкова паведаміце аператару

• прозвішча, імя, імя па бацьку,

• дату нараджэння (дзень, месяц, год),

• адрас месца жыхарства,

• серыю і нумар пашпарта

Грамадзяне Беларусі, а таксама юрыдычныя асобы маюць магчымасць пералічыць грашовыя сродкі на кампанію Андрэя Саннікава.

Абавязковыя патрабаванні да плацяжу:

• гранічны памер ахвяравання грамадзяніна не можа перавышаць 10 базавых велічыняў, гэта значыць 350'000 (трыста пяцьдзесят тысячаў) беларускіх рублёў;

• гранічны памер ахвяравання юрыдычнай асобы не можа перавышаць 30 базавых велічыняў, гэта значыць 1'050'000 (адзін мільён пяцьдзесят тысячаў) беларускіх рублёў.

Пералічыць сродкі можна са свайго разліковага рахунку з тэкстам наступнага зместу: «Добраахвотнае ахвяраванне ў выбарчы фонд кандыдата ў Прэзідэнты Рэспублікі Беларусь Саннікава А.А. Юрыдычны адрас: ...

Забараняецца ўносіць ахвяраванні ў выбарчы фонд:

• замежным дзяржавам і арганізацыям;

• замежным грамадзянам і асобам без грамадзянства;

• міжнародным арганізацыям;

• арганізацыям з замежнымі інвестыцыямі;

• грамадзянам Рэспублікі Беларусь, якія не дасягнулі 18 гадоў;

• дзяржаўным органам і органам мясцовага самакіравання;

• арганізацыям, якія цалкам ці часткова фінансуюцца з бюджэту;

• дабрачынным і рэлігійным арганізацыям;

• ананімным ахвярадаўцамі.

Пад ананімным ахвярадаўцаў разумеецца:

- Грамадзянін, які не пазначыў у плацёжным дакуменце на ўнясенне ахвяравання любыя з наступных звестак:

- прозвішча, імя, імя па бацьку,

- дату нараджэння (дзень, месяц, год),

- адрас месца жыхарства,

- серыю і нумар пашпарта,

- юрыдычная асоба, пра якую у плацёжным дакуменце на ўнясенне ахвяравання не пазначаныя любыя з наступных звестак:

- уліковы нумар плацельшчыка,

- назва,

- банкаўскія рэквізіты,

- юрыдычны адрас.

УВАГА! НЕ ПЕРАЛІЧВАЙЦЕ СРОДКІ АНАНІМНА! Грашовыя сродкі, пералічаныя ананімна ці без пазначэння любых з пералічаных вышэй звестак лічацца ананімнымі - іх немагчыма выкарыстоўваць на кампанію, яны не падлягаюць вяртанню і пасля будуць залічаныя ў дзяржаўны бюджэт.

НЕ ПЕРАВЫШАЙЦЕ ЎСТАЛЯВАНЫ ЛІМІТ ПЛАЦЯЖУ! Пералічаныя «лішнія» сродкі немагчыма выкарыстоўваць на кампанію, а фінансаваму прадстаўніку кандыдата прыйдзецца марнаваць каштоўны час на арганізацыю вяртання Вам лішку.

Каб пералічыць сродкі ў выбарчы фонд Андрэя Саннікава неабходна прыйсці з пашпартам у любое аддзяленне «Беларусбанка» і запоўніць бланк плацежнага паведамлення.

Узор запаўнення плацежнага паведамлення:

Узор на беларускай мове

Узор на расейскай мове

Калі ў Вас узнікаюць пытанні, звязаныя з пераводам, дасылайце іх на электронны адрас: cymus4@gmail.com

Усе звесткі пра сябе можна падаць у адвольнай форме. Пры жаданні можна выкарыстоўваць узор фармуляра, запоўніўшы яго сваімі рэквізітамі. Майце на ўвазе, што касір «Беларусбанка» усё роўна будзе ўносіць інфармацыю ў сваю электронную форму і выдасць тыпавую квітанцыю. Пераканайцеся, што там ёсць усе патрэбныя звесткі!

Заўвага: Лепш за ўсё плацёж ажыццяўляць у «Беларусбанку». Калі вы хочаце пералічыць грошы ў фонд Саннікава ў іншым банку і вам задаюць пытанне, які ў фонда УНП, вы павінны дакладна адказаць: выбарчы фонд з'яўляецца дабрачынным і УНП не мае.