Квіткі на «Rammstein» нечакана падаражэлі
18- 5.02.2010, 15:59
На канцэрт нямецкага гурта прадаюцца тыя ж квіткі, што і раней, але цяпер яны даражэйшыя на 30 тысяч беларускіх рублёў.
Ужо некалькі дзён усе распаўсюднікі ў адказ на спробу набыць квіточак на «Rammstein» разводзілі рукамі - іх няма, паведамляе «Народная Воля».
Сёння на сайце Палаца Рэспублікі з'явілася інфармацыя пра тое, што квіткі ўжо зноў у продажы. Кошт квіткоў, якія засталіся, вар'іруецца ад 150 да 250 тысяч беларускіх рублёў.
Як растлумачылі ў касах Палаца Рэспублікі, гэта квіткі на месцы тых трыбун «Менск-Арэны», што раней каштавалі 120 - 220 тысяч. Проста другая партыя стала даражэйшая на 30 тысяч.
У іншых касах горада квіткі на «Rammstein» павінны з'явіцца 6 лютага.
