Даляр падаражэў на 10 рублёў

На 8 лютага Нацыянальны банк усталяваў наступныя афіцыйныя курсы замежных валютаў:

Даляр ЗША — 2.898 беларускіх рублёў

Еўра — 3.960,70

Расейскі рубель — 95,12

Украінская грыўна — 361,12

У параўнанні з пятніцай, 5 лютага, афіцыйны курс даляра вырас на 10 рублёў (0,35%), еўра — знізіўся на 39,76 рубля (0,99%), расейскага рубля — на 1,13 рубля (1,17%), грыўны — вырас на 2,58 рубля (0,72%), перадае БелаПАН.

Каэфіцыент Нацбанка «еўра/даляр» — 1,3667, «даляр/расейскі рубель» — 30,4666, «даляр/грыўна» — 8,025.

У менскіх абменных пунктах камерцыйных банкаў раніцай 8 лютага даляр купляюць па 2.880—2.915 і прадаюць па 2.925—2.956 рублёў. У параўнанні з пятніцай курс вырас на 10 рублёў.

На астатніх сегментах наяўнага рынка даляр купляюць па 2.900—2.915 і прадаюць па 2.945—2.955 рублёў. У параўнанні з пятніцай курс вырас на 10 рублёў.