Зборная па футболе правядзе чатыры матчы да адбору да ЧЕ-2012
- 5.03.2010, 16:39
Ударны цыкл з трох кантрольных матчаў запар запланаваны на канец траўня - пачатак чэрвеня.
Зборная Беларусі па футболе запланавала чатыры кантрольныя матчы напярэдадні кваліфікацыі да чэмпіянату Еўропы 2012 года, паведаміў галоўны трэнер каманды Бернд Штанге.
Паводле нямецкага спецыяліста, ударный цыкл з трох кантрольных матчаў запар запланаваны на канец траўня - пачатак чэрвеня. У апошнія дні вясны ў перыяд з 26 па 30 траўня вызначаюцца два спарынгі з удзельнікамі чэмпіянату свету-2010, прычым на іх палях. А 2 чэрвеня беларускія заўзятары змогуць пабачыць у Менску гульню супраць каманды Швецыі. Заключны таварыскі паядынак перад стартам адборачнага турніру ЧЕ-2012 пройдзе 11 жніўня ў гасцях, хутчэй за ўсё, у Чарнагорыі.
Штанге адзначыў, што гэтая сустрэча стане генеральнай рэпетыцыяй перад першай гульнёй адборачнага цыкла Еўра-2012 у групе D у Парыжы супраць французаў (3 або 4 верасня). Іншымі супернікамі беларусаў у кваліфікацыі стануць каманды Румыніі, Босніі і Герцагавіны, Албаніі і Люксембурга.
