Малдова можа ўступіць у НАТА
2- 1.04.2010, 10:19
Малдова можа ўступіць у НАТА, калі гэта будзе неабходна для прыняцця яе ў Еўразвяз.
Пра гэта в.а. прэзідэнта краіны Міхай Гімпу заявіў у аўторак у інтэрв'ю румынскаму выданню Adevarul.
Раней ён заяўляў, што ўлады Малдовы нават не разглядаюць магчымасці далучэння да альянсу. Аднак «колькасць прыхільнікаў НАТА ў Малдове расце», цытуе малдаўскага лідэра NEWSru.com.
Па словах Гімпу, сёння далучыцца да Паўночнаатлантычнага альянсу гатовыя да 30% малдаўскіх грамадзянаў. На пытанне, ці адмовіцца Малдова ад свайго нейтральнага статусу ў выпадку далучэння да Еўрапейскага звяза, Гімпу адказаў, што калі умовай такога далучэння стане ўступленне рэспублікі ў альянс, дык грамадзяне краіны прагаласуюць і за НАТА. «Людзей не цікавіць - праз НАТА ці не. Калі гэта перашкода, дык яе неабходна прыбраць», - заявіў в.а. прэзідэнта.
