Нацыянальны сцяг побач з Галоўпаштамтам (Фота)

Учора, у Дзень салідарнасці з сем'ямі выкрадзеных і палітвязнямі, у цэнтры Віцебска быў вывешаны бел-чырвона-белы сцяг.

Нацыянальны сцяг з’явіўся на асвятляльным слупе побач з будынкам Галоўпаштамта на Маскоўскім праспекце горада.

Шматлікія мінакі са здзіўленнем глядзелі на вывешаны сцяг і стараліся сфатаграфаваць унікальны момант на камеры мабільных тэлефонаў.

Не ўпусцілі шанец сфатаграфаваць яго і міліцыянты, якія праязджалі па праспекце.

Сцяг правісеў каля паўгадзіны, пакуль яго не знялі невядомыя асобы.