Пуцін таксама вырашыў наведаць Чавеса
24- 2.04.2010, 16:35
Прэм’ер-міністр Расеі Уладзімір Пуцін пайшоў па слядах Лукашэнкі і адправіўся 2 красавіка з візітам у Венесуэлу.
У Каракасе Уладзімір Пуцін правядзе перамовы з прэзідэнтам Венесуэлы Уга Чавесам, падпіша шэраг двухбаковых дакументаў, а таксама сустрэнецца з прэзідэнтам Балівіі Эва Маралесам, які спецыяльна для гэтага прыбудзе ў сталіцу Венесуэлы, паведамляе ПРАЙМ-ТАСС.
Як паведамляе NEWSru.com, падчас першага візіту кіраўніка расейскага ўрада ў Венесуэлу будзе падпісана важнае пагадненне аб стварэнні нафтавага СП дзвюх краін.
Нагадаем, што два тыдні таму сваю паездку ў Каракас здзейсніў Аляксандр Лукашэнка. У Венесуэле беларускі кіраўнік таксама вырашаў «нафтавае» пытанне.
