Нават афіцыйная інфляцыя ў Беларусі ў чатыры разы вышэй, чым у Еўрасаюзе
7- 26.04.2010, 16:09
У сакавіку ў Беларусі была самая высокая інфляцыя сярод краін якія не ўваходзяць у Еўрасаюз.
Расстат падрыхтаваў інфармацыю пра індэксы спажывецкіх коштаў у Расеі і замежных краінах у сакавіку 2010 года на аснове публікацый Еўрастата, нацыянальных статыстычных службаў. Паводле яго дадзеных у сакавіку ў Беларусі была самая высокая інфляцыя сярод краін якія не ўваходзяць у Еўрасаюз, перадае «Штодзённік».
Да канца сакавіка 2010 года у адносінах да снежня 2009 года спажывецкія кошты ў Еўрапейскім саюзе (ўваходзяць 27 краін) падвысіліся на 0,6%. У сакавіку у адносінах да лютага кошты выраслі на 0,7%.
У Расеі кошты на тавары і паслугі за студзень - сакавік выраслі на 3,2%. У Беларусі - на 2,5%. У сакавіку ў РФ Расстат зафіксаваў інфляцыю ў 0,6%. У Беларусі ў сакавіку індэкс спажывецкіх коштаў склаў 1,1%.
У сакавіку найбольшы прырост спажывецкіх коштаў у параўнанні з папярэднім месяцам адзначаўся ў Грэцыі (4,1%), Італіі (1,5%), Нідэрляндах (1,5%) і на Мальце (1,4%). За перыяд з пачатку года - у Венгрыі (2,4%), Нідэрляндах (2,1%) і Румыніі (2,1%).
З дзяржаў, якія не ўваходзяць у ЕЗ, самая вялікая інфляцыя ў сакавіку назіралася ў Беларусі (1,1%) і ў Украіне (0,9%) .. За перыяд з пачатку года - на Украіне (4,7%), у Турцыі (3,9%), Казахстане (2,9%).
У асобных дзяржавах ў студзені - сакавіку назіралася зніжэнне спажывецкіх каштаў - у Іспаніі (0,5%), Ірландыі (0,4%), на Кіпры (0,2%).
Сярод краін Еўрапейскага саюза найбольшы прырост коштаў на прадукты харчавання за месяц быў адзначаны ў Эстоніі (2,4%), Венгрыі, Чэшскай Рэспубліцы, Германіі (1,0-1,3%); за перыяд з пачатку года - у Венгрыі (4 , 6%), Славакіі, Эстоніі, Чэшскай Рэспубліцы (3,5-3,9%).
Разам з тым у асобных краінах ЕС (Балгарыі, Ірландыі, на Кіпры) у сакавіку бягучага года адзначалася зніжэнне спажывецкіх коштаў на харчаванне - на 0,2-0,3%.
Нагадаем, што па Беларусі прадстаўленыя афіцыйныя дадзеныя, рэальныя ж лічбы інфляцыі ў краіне значна вышэй.
