Маштабныя забастоўкі ў Грэцыі і Партугаліі (Фота)

І ў той і ў іншай краіне ў аўторак адмовіліся працаваць супрацоўнікі транспартных кампаній, што закранула планы тысяч пасажыраў.

У Партугаліі забастоўка закранула усю краіну: чыгунку, аўтобусныя і паромныя кампаніі. Асабліва вострая сытуацыя ў буйных гарадах і, перш за ўсё, у Лісабоне, дзе людзі раніцай не маглі дабрацца да працы, перадае NEWSru.com.

Тыя, хто стайкуе прадастаўляюць толькі абавязковыя па законе мінімальныя паслугі. Натоўпы пасажыраў назапасіліся на станцыях прыгарадных электрычак, якія замест звычайнага ў гадзіну пік пяціхвіліннага інтэрвалу ходзяць з інтэрвалам у гадзіну. Падобным чынам працуе і метро.

Асабліва не пашанцавала жыхарам паўднёвага берага ракі Тежу, якая працякае праз Лісабон. За ўсю раніцу яны змаглі скарыстацца толькі адным паромам.

Недахоп грамадскага транспарту рэзка ўзняў попыт на таксі. На прыпынках прыватных кіроўцаў утварыліся чэргі, і магчымасць скарыстацца іх паслугамі трэба чакаць крыху менш, чым электрычкі. На дарогах павялічылася колькасць прыватных аўтамабіляў і рэгулярна ўзнікаюць пробкі.

У забастоўцы ўдзельнічаюць амаль 20 тысяч супрацоўнікаў сямнаццаці транспартных кампаній. Упершыню з 2003 года яе арганізавалі сумесна два звычайна супернічаючых прафцэнтры. У панядзелак машыністы электрычак ўжо часткова спынялі працу, цяпер да іх далучыліся аўтобусныя і паромныя кампаніі.

Забастоўка транспартнікаў працягнецца ў чацвер. Яна дала старт тыдню актыўнай статачнай барацьбы. Агулам, у Партугаліі пройдзе паўтара дзесятка стайкаў. Акрамя транспартнікаў, сёння не працуе пошта. У чацвер з-за першай у гісторыі краіны акцыі пратэсту супрацоўнікаў парламента адмененае пленарнае пасяджэнне заканадаўчага органа.

Галоўныя патрабаванні бастуючых - не замарожваць заробак і не прыватызаваць дзяржкампаніі (чыгунка, пошта). Акрамя таго, яны патрабуюць заключэння новых калектыўных працоўных дамоваў.

Кіраўніцтва правацэнтрыскай Сацыялістычнай партыі вымушана звярнуцца да мераў эканоміі і распродажу дзяржуласнасці, каб скараціць дэфіцыт дзяржбюджэту краіны і дазволіць ёй пазбегнуць долі Грэцыі. У антыкрызіснай праграме, прадстаўленай у сакавіку ў Еўракамісію, Лісабон паабяцаў знізіць дэфіцыт з 9,3% у мінулым годзе да 2,8% у 2012 годзе.

У Афінах стаў увесь грамадскі транспарт

У апошні час Грэцыя больш звыкла да забастовак. На гэты раз на шэсць гадзін спыніўся сёння рух ўсяго грамадскага транспарту ў Афінах. Спынілі працу супрацоўнікі ўсіх відаў гарадскога транспарту, уключаючы метро і прыгарадныя электрычкі. Яны праводзяць у сталіцы мітынг пратэсту супраць скарачэння даходаў насельніцтва ў рамках пакета мер жорсткай эканоміі, прынятых урадам Грэцыі з мэтай вываду краіны з фінансавага крызісу. Гэтыя меры ўключаюць скарачэнне заробкаў, прэміяльных і святочных выплат, замарожвання пенсій, павышэнне ПДВ, падатку на бензін і акцызаў на тытунь і алкаголь, а таксама падатковую рэформу.

Новае апытанне грамадскай думкі паказвае, што 61% грэкаў выступае супраць рашэння ўрада папрасіць ЕС і МВФ запусціць створаны Еврогрупай рэзервовы крэдытны механізм, асцерагаючыся, што Міжнародны валютны фонд паставіць Грэцыі новыя жорсткія ўмовы.