Бясплатная лазня ў гонар 65-годдзя перамогі

У Менску ветэраны Вялікай Айчыннай вайны ў траўні змогуць бясплатна наведваць лазні.

Пра гэта БелТА паведамілі ва УП «Гарадскія лазні».

У перыяд з 1 па 31 мая гарадскія лазні дадуць ветэранам магчымасць бясплатна наведаць агульныя аддзяленні і індывідуальныя душавыя кабіны, а таксама скарыстацца цырульніцкімі паслугамі.

Дабрачынная акцыя распаўсюджваецца на Герояў Савецкага Саюза і Сацыялістычнай працы, ветэранаў і інвалідаў вайны, інвалідаў баявых дзеянняў на тэрыторыі іншых дзяржаваў.

Акцыя прысвечаная 65-й гадавіне Перамогі савецкага народа ў Вялікай Айчыннай вайне, піша БелТА.