Расея пачала будаваць газаправод у абыход Беларусі
25- 9.04.2010, 10:13
9 красавіка ў бухце Партовая ля Санкт-Пецярбурга адбудзецца цырымонія з нагоды пачатку пракладкі газаправода Nord Stream, які пройдзе па дне Балтыйскага мора.
У цырымоніі прыме ўдзел прэзідэнт Расеі Дзмітры Мядзведзеў, прадстаўнікі «Газпрама» і нямецкіх кампаніяў, паведамляе «Радыё Свабода».
Па словах старшыні праўлення «Газпрама» Аляксея Мілера, укладка трубаў на дно Балтыкі пачалася яшчэ ў аўторак.
Першая лінія трубаправода магутнасцю 27,5 млрд кубаметраў газу ў год будзе ўзведзеная ў 2011 годзе. Будаўніцтва другой лініі запланаванае на 2012 год.
Газаправод прызначаны для паставак расейскага газу ў Германію і іншыя краіны Заходняй Еўропы, абыходзячы Беларусь, Украіну і Польшчу. Транзітныя даходы гэтых краінаў пасля заканчэння будаўніцтва Nord Stream будуць істотна зніжаныя.
