Беларусы адмаўляюцца купляць кватэры па такіх высокіх коштах
25- 15.05.2010, 13:27
Змены на рынку нерухомасці гавораць пра тое, што сітуацыя ў эканоміцы працягвае пагаршацца.
Колькасць кватэрных здзелак на другасным рынку вось ужо другі месяц скарачаецца ў параўнанні з мінулым годам, піша газета «Беларусы і рынак».
Красавік аказаўся проста правальны, прычым не толькі ў Менску, але і ў Беларусі ў цэлым: аб'ём рынку зваліўся з 2267 дагавораў куплі-продажу ў 2009 годзе да 1325 у цяперашнім.
Учарашнія кошты, за якія ўпарта трымаецца большасць прадаўцоў, пакупнікоў цалкам не задавальняюць. Добра ёсць альтэрнатыва - кватэры ў новабудоўлях. Тут і кошты ніжэй, і плаціць можна не адразу, а па частках, пакуль аб'ект будуецца.
На рынку арэнды таксама назіраецца падзенне попыту пры істотным павелічэнні прапановы. Даходы ў людзей зменшыліся, колькасць сем'яў, здольных аплаціць арэнду кватэры, рэзка скарацілася. Адначасова вырасла прапанова, пераважна за кошт тых, хто ў свой час узяў крэдыт на будаўніцтва або на куплю жылплошчы.
Недахоп пакупнікоў пачаў адчуваць і рынак будаўнічых матэрыялаў.
А вось рынак камерцыйнай нерухомасці, наадварот, дэманструе ажыўленне, якое, дарэчы, таксама кажа па працяг крызіса. Арандатары офіснай нерухомасці ахвотней, чым у мінулым годзе, здымаюцца з нажытых месцаў у карысць больш прымальных варыянтаў.
У бюджэце грошай таксама становіцца ўсё менш. Але падымаць камуналку без павышэння даходаў насельніцтва прэзідэнт забараніў. Таму ўрад, па сутнасці, у 3 разы падвысіў плату за ацяпленне ў кватэрах, у якіх ніхто не зарэгістраваны. І калі фізасобы яшчэ неяк выкруцяцца (прапішуць сваякоў), то уладальнікам кватэр у напалове заселеных шматпавярхоўках давядзецца альбо здаваць жыллё ў наём, альбо дэмпінгаваць, каб знайсці пакупнікоў. Адно суцяшае - да пачатку наступнага ацяпляльнага сезона час яшчэ ёсць.
У сістэме жыллёва-камунальнай гаспадаркі ўсё мацней адчуваецца патрэба ў прытоку прафесійных кадраў і ў уцягвання ў сферу ЖКГ прадстаўнікоў прыватнага бізнэсу. Але няўменне кіруючых кадраў ісці на кампраміс, страх перад усім новым душыць на корані любыя карысныя пачынанні.
Між тым будаўнічая галіна рыхтуецца да пераходу з 1 ліпеня на еўрапейскія нормы. У сувязі з гэтым будаўнікі і праектыроўшчыкі працягваюць разважаць пра тое, што ім замінае якасна працаваць. А пакуль яны разважаюць, заказчыкі ствараюць уласныя падрадныя арганізацыі і вучацца працаваць з замежнымі архітэктарамі.
