Мінінфарм яшчэ не бачыў чорнага спісу СМІ, але абавязкова ўсіх пакарае

У Міністэрства інфармацыі Беларусі пакуль не паступаў з Міністэрства юстыцыі так званы чорны спіс СМІ, якія публікавалі выказванні адвакатаў арыштаваных кандыдатаў у прэзідэнты.

"Спіса гэтага не было. Паступіць - разгледзім, праверым. Прымем меры", - паведаміў на прэс-канферэнцыі ў Менску намеснік міністра інфармацыі Беларусі Ігар Лапцёнак.

Як паведамлялася, Міністэрства юстыцыі Беларусі ўнясло прадстаўленне ў міністэрства інфармацыі па факце парушэнняў асобнымі СМІ заканадаўства, перадае "Интерфакс-Запад".

"Па факце парушэння асобнымі СМІ закона РБ «Аб сродках масавай інфармацыі "унесенае прадстаўленне ў міністэрства інфармацыі. У апошні час у асобных СМІ са спасылкай на адвакатаў з'явіліся публікацыі, у якіх у скажоным святле падаецца інфармацыя аб рэалізацыі падабароннымі правоў на юрыдычную дапамогу, тэндэнцыйна ацэньваецца праца праваахоўных органаў краіны", гаворыцца ў паведамленні Мінюста, размешчаным на яго сайце.