Нацбанк растлумачыў тонкасці продажу валюты па пашпарце

Продаж валюты фізічным асобам у абменных пунктах беларускіх банкаў з 9 лістапада будзе ажыццяўляцца толькі пашпарце або дакуменце, які яго замяняе.

«Да дакументаў, якія сведчаць асобу, адносяцца пашпарт грамадзяніна Рэспублікі Беларусь, від на жыхарства ў Рэспубліцы Беларусь, пасведчанне бежанца, пашпарт грамадзяніна замежнай дзяржавы», - удакладняецца ў паведамленні прэс-службы Нацбанка РБ.

Пры гэтым банкі не пазней за банкаўскі дзень, наступны за днём аперацыі продажу замежнай валюты ў балансе банка, будуць уносіць у адзіную аўтаматызаваную інфармацыйную сістэму «Разлік» наступны дадзеныя пакупніка: «прозвішча, уласнае імя, імя па бацьку (пры наяўнасці); найменне дакумента, яго серыя і нумар; ідэнтыфікацыйны (асабісты) нумар фiзiчнай асобы (пры адсутнасці нумара - дата нараджэння)».

«Рэгістрацыя дадзеных дакумента ажыццяўляецца на расейскай мове. У выпадку адсутнасці іх напісання на расейскай мове - літарамі лацінскага алфавіту», - адзначаецца ў паведамленні.

Пры продажы замежнай валюты за беларускія рублі, якія знаходзяцца на банкаўскім рахунку фiзiчнай асобы (бягучым, дэпазітным, карт-рахунку і інш.), а таксама пры канвертацыі рублёвага дэпазіту ў валютны рэгістрацыя дадзеных дакумента, які сведчыць асобу, праводзіцца на падставе дадзеных, наяўных у банку, у якім адкрыты гэты рахунак (дэпазіт), паведамляе АФН.