Лукашэнкаўскі Мінадукацыі марыць аб Балонскім працэсе
9- 1.12.2011, 9:30
Міністэрства адукацыі Беларусі выслала пакет дакументаў, неабходных для ўступлення ў Еўрапейскую прастору вышэйшай адукацыі.
Усе неабходныя дакументы былі накіраваныя ў Балонскі сакратарыят 29 лістапада.
Першы намеснік міністра адукацыі Аляксандр Жук распавёў, што беларускі бок хоча прыняць непасрэдны ўдзел у фарміраванні Еўрапейскай прасторы вышэйшай адукацыі. Пры гэтым намеснік міністра адзначыў, што далучэнне да сям'і еўрапейскіх ВНУ не з'яўляецца аднамомантным, і перш, чым Беларусь стане паўнапраўным сябрам Еўрапейскага прасторы вышэйшай адукацыі, можа прайсці нямала часу.
Аляксандр Жук адзначыў, што ўжо цяпер Беларусь гатовая ўзяць на сябе абавязальніцтвы, прапісаныя ў палажэннях Балонскай дэкларацыі. У Мінадукацыі спадзяюцца, што пытанне аб уключэнні Беларусі ў Балонскі працэс будзе разгледжанаев ўжо ўвесну 2012 года на канферэнцыі міністраў адукацыі дзяржаваў-удзельніц Балонскага працэсу.
Нагадаем, што ў Беларусі за актыўную палітычную пазіцыю і ўдзел у мірных акцыях пратэсту студэнты стала выключаюцца з ВНУ. Рэктарыя многіх універсітэтаў па гэтай прычыне ўключаны ў спісы неўяздных у краіны ЕЗ.
