Журналіста польскай «Газеты Выборчай» арыштавалі на 15 сутак
39- 11.02.2011, 14:03
Журналіста абвінавацілі ва ўдзеле ў акцыі 19 снежня на плошчы Незалежнасці ў Мінску.
Журналіст польскай «Газеты Выборчай» Анджэй Пачобут быў затрыманы на плошчы Незалежнасці 19 снежня і суткі правёў у аўтазаку. Ягоная справа разглядалася ў судзе Кастрычніцкага раёна. Але ў апошні момант журналіста вызвалілі, заявіўшы, што ягоная справа накіраваная на дадатковую праверку.
Пазней суд Кастрычніцкага раёна ўсё ж пакараў журналіста штрафам у памеры 1 750 000 рублёў за «ўдзел у несанкцыянаваным мітынгу». Пракуратура палічыла такі прысуд занадта мяккім, Менскі гарадскі суд пагадзіўся з гэтымі прэтэнзіямі, і сёння справу перагледзелі.
