У КДБ выклікалі арганізатара флэш-мобу ў падтрымку «Ляпісаў»

17 сакавіка ў 12:45 да Івана Марозькі прыйшлі тры супрацоўнікі КДБ.

Каб патрапіць у кватэру, яны назваліся газавай службай. Кадэбісты перадалі хлопцу позву на допыт, паведамляе «Наша Ніва».

Ён павінен з'явіцца туды 18 сакавіка. Марозька запытаўся ў саманазваных газаўшчыкоў, ці будуць яны правяраць лічыльнікі. Тыя спачатку не адказалі. Але на развітанне заявілі, што могуць паглядзець і лічыльнікі.