Ранак без бухла - шчаслівая сям'я
73- 18.03.2011, 18:57
У панядзелак 21 сакавіка крамам "рэкамендавана" не прадаваць алкаголь з 06.00 да 11.00 гадзін.
Як паведамляе прэс-служба ГУУС Менгарвыканкама, раніца цвярозасці праводзіцца пад лозунгам «Мама, тата, я - шчаслівая сям'я?».
Адначасова з забаронай на продаж алкаголю "будуць ажыццяўляцца адпрацоўкі прылеглых да аб'ектаў гандлю і дваровых тэрыторый з мэтай спынення фактаў п'янства". Упор будзе зроблены на так званых "абавязаных асобаў". Не менш за тры спецыяльныя мабільныя міліцэйскія групы ў кожным раёне горада будуць дастаўляць да месца працы абавязаных асоб (нядбайныя бацькі, абавязаныя кампенсаваць сродкі на ўтрыманне ўласных дзяцей у інтэрнатах), у якіх ўзнікне ідэя без уважлівай прычыны не пайсці на працу.
Па стане на пачатак 2011 года 98,5% абавязаных асоб, з ліку тых, якія стаяць на ўліку ў РУУС Менска, працаўладкавана. Разам з тым, кожны трэці з працаўладкаваных здзяйсняе прагулы і дапускае парушэнні працоўнай дысцыпліны, паведамляецца ў прэс-рэлізе.
Бонус:
