Дыктатар закрывае межы для кіраўніцтва ЕЗ і ЗША

Улады Беларусі ў адказ на санкцыі ЕЗ у дачыненні да беларускіх чыноўнікаў падрыхтавалі «чорны спіс» з больш чым 150 асоб з Еўразвяза і ЗША.

Аб гэтым заявіла агенцтву «Інтэрфакс-Захад» крыніца ва ўрадавых колах.

«Зваротныя меры закрануць больш за 150 асоб з краін Еўразвяза і ЗША, сярод якіх старшыня Еўрапарламента Ежы Бузэк, дэпутат Еўрапарламента Яцэк Пратасевіч і шэраг іншых палітыкаў, парламентарыяў, журналістаў, якія праславіліся найбольш адыёзнымі ініцыятывамі ў дачыненні Беларусі», - адзначыў суразмоўца агенцтва.

Ён заявіў, што “ўжо былі ўведзеныя абмежаванні на выдачу ўязных візаў шэрагу асоб, якія найбольш прадузята і дэструктыўна адносяцца да Рэспублікі Беларусь, якія адыгралі галоўную ролю ў раскручванні крызісу ў адносінах Беларусі і Захаду".

Суразмоўца таксама адзначыў, што «аднымі візавымі санкцыямі Беларусь не мае намеру абмяжоўвацца, і распрацавала таксама шэраг іншых мер у адказ». «Не выключана, што яны закрануць пытанні трансмежнага супрацоўніцтва, дзейнасці на тэрыторыі Беларусі асобных замежных фондаў і няўрадавых арганізацый», - сказала крыніца агенцтва.

Пры гэтым, дададала яна, "прынятыя меры будуць насіць хутчэй прапарцыйны і дыферэнцыраваны, а не люстраны характар ​​па адносінах да санкцый ЕЗ і ЗША".

Як паведамлялася, 31 студзеня Рада ЕЗ увяла візавыя санкцыі ў дачыненні да 157 беларускіх чыноўнікаў на чале з Аляксандрам Лукашэнкам. Мяркуецца, што сёння кіраўнікі МЗС краін ЕЗ прымуць рашэнне аб пашырэнні спісу «неўязных» беларускіх чыноўнікаў.