МЗС Чэхіі падала ўязную візу Міхалевічу

Аб гэтым заявіў амбасадар Чэхіі ў Беларусі Іржы Карас.

Амбасадар, са спасылкай на словы кіраўніка МЗС Карэла Шварцэнберга, афіцыйна пацвердзіў «Інтэрфакс-Захад», што "МЗС ЧР падала ўязную візу прадстаўніку беларускай апазіцыі і былому кандыдату ў прэзідэнты Алесю Міхалевічу».

Амбасадар таксама пацвердзіў, што А. Міхалевіч папрасіў палітычнага прытулку ў Чэшскай Рэспубліцы.

Міхалевіч збег з краіны тыдзень таму. У ноч на 14 сакавіка ён размясціў у сваім блогу ў «Жывым журнале» каментар: "Зараз я знаходжуся ў надзейным месцы, па-за зонай дасяжнасці беларускага КДБ. Збіраюся працягваць працу над спыненнем катаванняў і вызваленнем ўсіх, хто незаконна ўтрымліваецца па палітычных матывах”.

Міхалевіч з'яўляецца абвінавачваным па справе аб так званых масавых беспарадках у Менску, два месяцы ён знаходзіўся пад арыштам у СІЗА КДБ. 19 лютага быў адпушчаны з СІЗА КДБ пад падпіску аб нявыездзе, пазней ён заявіў, што «у СІЗА КДБ ўжываюцца катаванні».